ಕುತೂಹಲ ಮೂಡಿಸಿದ ‘ಲೂಪ್’ ಟ್ರೈಲರ್: ಆಟದ ಹಿಂದಿರುವ ಅಸಲಿ ಮುಖವಾಡ ಬಯಲಾಗುತ್ತಾ?

ಕುತೂಹಲ ಮೂಡಿಸಿದ ‘ಲೂಪ್’ ಟ್ರೈಲರ್: ಆಟದ ಹಿಂದಿರುವ ಅಸಲಿ ಮುಖವಾಡ ಬಯಲಾಗುತ್ತಾ?

ಬೆಂಗಳೂರು: ಕಾಲ ಬದಲಾದಂತೆ ಆಟದ ರೀತಿ ಬದಲಾಗಬಹುದು, ಆದರೆ ಆಟಗಾರನ ಮನಸ್ಥಿತಿ ಬದಲಾಗುವುದಿಲ್ಲ ಎಂಬ ಪ್ರಬಲ ಸಂದೇಶದೊಂದಿಗೆ ‘ಲೂಪ್’ ಚಿತ್ರದ ಟ್ರೈಲರ್ ಅದ್ದೂರಿಯಾಗಿ ಬಿಡುಗಡೆಯಾಗಿದೆ. ಲವ್, ಸಸ್ಪೆನ್ಸ್ ಹಾಗೂ ಕ್ರೈಮ್ ಅಂಶಗಳನ್ನು ಮೈಗೂಡಿಸಿಕೊಂಡಿರುವ ಈ ಸಿನಿಮಾ ಪ್ರೇಕ್ಷಕರಲ್ಲಿ ಭಾರೀ ಕುತೂಹಲ ಕೆರಳಿಸಿದೆ.
ಇತ್ತೀಚೆಗೆ ಬೆಂಗಳೂರಿನ ಮಲ್ಲೇಶ್ವರಂನ ರೇಣುಕಾಂಬ ಸ್ಟುಡಿಯೋದಲ್ಲಿ ನಡೆದ ಸಮಾರಂಭದಲ್ಲಿ ‘ಒಳ್ಳೆ ಹುಡುಗ’ ಪ್ರಥಮ್ ಅವರು ಟ್ರೈಲರ್ ಬಿಡುಗಡೆ ಮಾಡಿ ಚಿತ್ರತಂಡಕ್ಕೆ ಶುಭ ಹಾರೈಸಿದರು. ಕೇವಲ ಮನೋರಂಜನೆಯಷ್ಟೇ ಅಲ್ಲದೆ, ‘ಸ್ಟಾಪ್ ಬೆಟ್ಟಿಂಗ್’ ಮತ್ತು ‘ನೋ ಡ್ರಗ್ಸ್’ ಎಂಬ ಸಾಮಾಜಿಕ ಕಾಳಜಿಯ ಸಂದೇಶವನ್ನೂ ಈ ಚಿತ್ರ ಹೊತ್ತು ತಂದಿದೆ.

ತಾಂತ್ರಿಕ ವರ್ಗ ಮತ್ತು ತಾರಾಗಣ:
ಯಶವಂತ ಅವರ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಚಿತ್ರಕ್ಕೆ ಎಸ್.ಕೆ. ಎಲ್ಲಪ್ಪ ಹಾಗೂ ಯುವಿ ಪ್ರಮೋಷನ್‌ನ ಉಮೇಶ್ ಕೆ.ಎನ್ ಬಂಡವಾಳ ಹೂಡಿದ್ದಾರೆ. ಶಶಿಕಿರಣ್ ಮತ್ತು ಶೋಭಿತಾ ಮುಖ್ಯ ಭೂಮಿಕೆಯಲ್ಲಿದ್ದು, ಮಿಮಿಕ್ರಿ ಗೋಪಿ, ಅಪ್ಪುರಾಜ್, ಅಭಿ ಸಾಮ್ರಾಟ್, ಮಂಜುಳಾ ಅರಸ್ ಸೇರಿದಂತೆ ದೊಡ್ಡ ತಾರಾಬಳಗವೇ ಚಿತ್ರದಲ್ಲಿದೆ.
ಸಂತೋಷ್ ಜೋಶ್ವ ಅವರ ಸಂಗೀತ ಹಾಗೂ ಜೀವನ್ ಗೌಡ ಅವರ ಛಾಯಾಗ್ರಹಣ ಚಿತ್ರದ ತಾಂತ್ರಿಕ ಬಲವನ್ನು ಹೆಚ್ಚಿಸಿದೆ. ಶ್ರೀಧರ್ ಅವರು ಪ್ರಚಾರದ ಹೊಣೆ ಹೊತ್ತಿದ್ದು, ಚಿತ್ರವು ಸದ್ಯದಲ್ಲೇ ತೆರೆಗೆ ಬರಲು ಸಿದ್ಧವಾಗುತ್ತಿದೆ. ಕುತೂಹಲಕಾರಿ ಕ್ಲೈಮ್ಯಾಕ್ಸ್ ಹೊಂದಿರುವ ಈ ‘ಲೂಪ್’ ಆಟ ಚಿತ್ರಮಂದಿರಗಳಲ್ಲಿ ಎಷ್ಟರಮಟ್ಟಿಗೆ ಸದ್ದು ಮಾಡಲಿದೆ ಎಂಬುದನ್ನು ಕಾದು ನೋಡಬೇಕಿದೆ

ರಾಜ್ಯಾದ್ಯಂತ ವರದಿಗಾರರು ಬೇಕಾಗಿದ್ದಾರೆ

ಸಂಪರ್ಕಿಸಿ ವಿದ್ಯಾ ಅರ್ಹತೆ ಅನುಗುಣವಾಗಿ ವೇತನ ಅಥವಾ ಜಾಹಿರಾತಿನಲ್ಲಿ ನೇರ ಪಾಲುದಾರಿಕೆ ಸುವರ್ಣ ಅವಕಾಶ ಕಳೆದುಕೋಳಬೇಡಿ

ತ್ವರಿತವಾಗಿ ಸಂಪರ್ಕ ಮಾಡಿ 9008329745

ವರದಿಗಾರರು ಆಗ ಬಯಸುವವರು ತಮ್ಮ ಮೇಲೆ ಕೇಸಗಳು ಇದ್ದರೆ ಮಾಹಿತಿ ನೀಡುವುದು ಕಡ್ಡಾಯ